Најмалку 13 цивили загинаа при воздушни напади во Авганистан
Најмалку 13 цивили од исто семејство се убиени во воздушните напади против талибанците во источниот дел на Авганистан, а изведени од коалицијата предводена од САД, соопштија локалните власти.
Американските сили во Авганистан соопштија дека имало воена операција во округот Пули Алам во провинцијата Логар, за што се води официјална истрага.
- Американските сили и авганистанската војска во населбата Дашт-е-Бари изведуваа заедничка операција, по што беа нападнати од талибанските бунтовници, изјави Салем Салех, портпарол на гувернерот на покраината.
Тој додаде дека странските сили одговорија на нападот и ги принудија талибанците да се сокријат во домовите на цивили, кои се наоѓале во близина. Потоа тие повикаа воздушно засилување, при што ги бомбардираа куќите, предизвикувајќи жртви меѓу цивилното население, објасни Салех. Тој прецизираше дека се повредени и 15 лица, сите жртви се од исто семејство, вклучувајќи жени и деца.
- Во операцијата загинаа најмалку 12 талибанци, вклучително и команданти, додаде портпаролот.
Во првата половина од оваа година, според податоци на Обединетите нации, загинаа 1.662 цивили, а повредени се 3.581 лице.
Ново на Сител
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем
-
Приведена бегалка од затвор, вратена е во КПУ Идризово
-
МЗ: Комисијата не најде грешка во работењето на Болница во Кавадарци во врска со починатото дете