Превентивно превривање на водата за пиење во Македонска Каменица
ЈП „Камена Река“ од Македонска Каменица ги информира граѓаните да ја превриваат водата за пиење пред употреба поради заматувањето кое е резултат на активирањето на повеќе извори за водоснабдување.
Како што посочуваат од ЈП „Камена Река“, општина Македонска Каменица се соочува со намален доток на вода во водоснабдителниот систем, поради што се активирани повеќе изворни места, а при тоа е можно да дојде до локални заматувања.
- Иако досегашните анализи покажуваат дека водата одговара на правилникот за вода за пиење, сепак, како превентива, ЈП „Камена Река“ излегува со времена мерка - водата пред консумирање да се преврива 10 минути. Оваа препорака важи до стабилизирање на состојбата. ЈП „Камена Река“ презема активности и очекуваме во најскоро време целосна стабилизација, истакнуваат од ЈП „Камена Река.
Поради значителното намалување на водните резерви во базените со вода за пиење, во Македонска Каменица е воведена рестрикција на водата во системот. Во периодот од 16 до 20:30 часот водата се сопира наизменично во однапред определени реони од градот.
Од ЈП „Камена Река“ апелраат до граѓаните за рационално користење на водата.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле