Општина Виница ќе инвестира 920 илјади денари во комунална инфраструктура
Општина Виница ја реализира Програмата за уредување на градежно земјиште и патишта за 2017 година во градот и во населените места. Според утврдената програма, градежни активности во сферата на инфраструктурата ќе се реализираат во сите осум населени места во општината.
Според годишната програма за изградба на улици се очекува да се изврши ископ, порамнување и набивање на земјен тампон со што овие улици се подготвуваат за асфалтирање. Вакви градежни активности ќе се реализираат во Јакимово, Лески, Црн Камен, Виничка Кршла.
Општина Виница информира дека деновиве заврши асфалтирањето на улици во селата Градец и Пеклани во должина од по 370 метри за што беа инвестирани 4 милиони денари. За улици во село Трстија и за улици во градот Виница се издвоени околу 10 милиони денари, средства од општинскиот буџет и од Агенцијата за државни патишта.
Овој и наредните два месеци ќе се уредува речното корито на Виничка река во должина од 420 метри, проект кој општината го доби преку Источниот плански регион. Вкупната вредност на овој проект изнесува 3.626.441 денари, средства обезбедени од Бирото за регионален развој, додека општината во овој проект учествува со сопствени средства од 1.011.544 денари. Изведувач на работите е компанијата „Коп инженеринг“ од Скопје, а регулацијата на Виничка река се очекува да заврши за три месеци.
Ново на Сител
-
Во Шпанија во прекин телефонската комуникација поради дефект
-
Минималните трошоци во мај зголемени за 1.217 денари, од ССМ бараат раст на платите
-
ВМРО-ДПМНЕ: Договорот со Обединетото Кралство ќе ја трансформира државата
-
Лишено од слобода едно лице од Неготино поради сомнение за „криумчарење мигранти“
-
Сиљановска-Давкова не го открива името на идниот гувернер, вели дека веќе знае кој ќе биде тој
-
Собранието ги констатира оставките на министерот Таравари и двајца заменици министри
-
Калас: Мораме да го засилиме притисокот врз Русија за да ја натераме да се согласи на мир
-
ЕУ воведува нов систем на гранциите - ќе важи и за македонските граѓани