Прашањето за името една од главните теми во разговорите на Могерини во Атина
Турција, Кипар и спорот за името на Македонија биле клучните прашања за кои вчера во Атина разговарала високата претставничка на Европската унија за надворешни работи и безбедносна политика Федерика Могерини со премиерот Алексис Ципрас и министерот за надворешни работи Никос Коѕиас.
По средбата со Коѕиас, Могерини ја истакна важноста на Балканот и нагласи дека регионот ќе биде приоритет за Унијата. Таа изрази уверување дека во наредните месеци ќе има повеќе можности да се направи напредок во разговорите меѓу Атина и Скопје за спорот околу името, и меѓу Приштина и Белград за тешкотиите кои ги имаат двете земји меѓу себе.
Коѕиас рече дека Грција во целост ги поддржува напорите на ЕУ за влез на Западен Балкан во европското семејство. Тој повтори дека Атина ја поддржува целта на Скопје за влез во Унијата откако ќе биде решено прашањето за името. Коѕиас додаде дека „се надева оти решавање на прашањето за името сега ќе биде полесно отколку во минатото, со оглед на промената на власта во Македонија“.
Ново на Сител
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација
-
Лице барано за извршување затворска казна правело хаос во хотел во Лазарополе
-
Приведен возач од Македонска Каменица, возел со 1,87 промили алкохол во крвта
-
Крушевчанец возел со 1,81 промили алкохол во крвта и без возачка дозвола
-
Иран вели дека го задржува правото на каков било одговор на „скандалозните“ американски напади
-
АХВ: Не издаваме никакви HACCP дозволи, туку само ја контролираме работата на операторите со храна
-
Трамп му се закани на Иран со нови напади ако не склучи мир