Прециоси ја продаде Џенова
Италијанскиот бизнисмен Енрико Прециоси (69), досегашен претседател на Џенова, чиј дрес го носи Горан Пандев, објави дека по 14 години го продал најстариот италијански клуб.
„Ја продадов Џенова. Сите документи ќе бидат потпишани до крајот на оваа недела или најдоцна на почетокот на наредната“, потврдил Прециси не сакајќи да го открие името на новиот сопственик.
Навивачите на Џенова жестоко го критикуваа Прециоси поради потезите што ги влечеше минатата сезона. Тимот одлично играше во првиот дел од сезоната, но во јануари реши да ги продаде најдобрите играчи, поради што Џенова до последното коло се бореше за опстанок во Серија А.
„Јас сум неважен, важна е само Џенова. Наредната сезона сакам да бидам само обичен навивач“, рекол Прециоси.
Џенова е основана во 1893 година и е најстариот италијански фудбалски клуб. Овој клуб е деветкратен италијански шампион, но последната титула Џенова ја има освоено во далечната 1924 година.
Ново на Сител
-
Управниот суд одржува јавна расправа за тужбата на Европскиот фронт за прегласувањето во Ларце
-
Гир: Подготвени сме да работиме со новата влада и со сите кои го поддржуваат реформскиот процес
-
Писториус ја поздрави обуката на украински војници на системи Патриот
-
Поротата почна со разгледување на судењето против Трамп за кривично дело поткуп на актерка во филмови за возрасни
-
Приведен прилепчанец за шверц на 45 шишиња метадон
-
Средба на лидерите од СДСМ
-
24-годишник избоден во ресторан во Дебар
-
Битолчанец измамил 76-годишна жена за 398.000 денари