ВМРО-ДПМНЕ: СДС почна да се пресметува со медиумите
ВМРО-ДПМНЕ денеска обвини дека Владата на СДСМ почнала да се пресметува со медиумите кои лидерот на партијата Зоран Заев ги прогласи за најголеми непријатели.
- Тиранијата и притисокот врз медиумите е еден од првите чекори на антиреформската влада на Зоран Заев. Заев и СДС со притисокот кон медуимите сакаат да ги понижат и да ги натераат да станат нивни вазали, се наведува во соопштението од ВМРО-ДПМНЕ.
Медиумите кои искажале некаква критика кон Заев, СДС и нивните експоненти во минатото сега, според ВМРО-ДПМНЕ, се приморани јавно да им се извинуваат.
- Ова е јасен почеток на еден недемократски режим и диктатура врз сите неистомисленици на Заев и СДС. СДС со својот тирански однос и притисоци ги прави медиумите да наликуваат на оние во Северна Кореја, велат од партијата.
Ова, како што посочуваат, не е слобода, туку тиранија врз медиумите.
- Заев ветуваше дека ќе поттикнува критички медиуми, но на првиот ден од неговиот избор докажа дека едно зборува, а друго прави. Очигледно е дека Заев решил овие медиуми да ги понижи и да ги фрли на колена, се вели во соопштението од ВМРО-ДПМНЕ.
ВМРО-ДПМНЕ ги повика медиумите да не потклекнуваат на притисоците и да продолжат професионално и чесно да си ја вршат својата работа.
Ново на Сител
-
Без вода дел од стар Аеродром
-
МВР: Нормализиран протокот на граничните премини, не е точно дека е вратен стариот систем на контрола на ГП Блаце
-
Трамп објави царини од 30 отсто за Мексико и Европската Унија
-
Мицкоски за можна вмешаност на функционер од ДУИ во пожарите: Aко се потврди вина, ќе биде проблем за некои!
-
Битолчанец фрлил експлозивна направа на улица, оштетил седум автомобили
-
Автомобил без контрола се движел кон полицајци, дрвокрадци рипнале од него во движење
-
Припадникот на АРМ бил убиен бидејќи неговата ќерка одбила да се мажи со лицето кое пукало
-
OJO бара притвор за напаѓачот на Арсовска