Њу Делхи е најзагадениот град во светот, густата магла ги одложува летовите и поаѓањата на возовите
Швајцарската веб-страница IQAir денеска го рангираше Њу Делхи за најзагаден град во светот, со индекс на квалитет на воздухот од 495, рангирајќи го како „многу опасен“.
Густата магла и студеното време го одложија денеска полетувањето на авионите и тргнувањето на возовите во неколку делови на северна Индија, вклучувајќи го и главниот град Њу Делхи.
Индиската метеоролошка служба издаде портокалова тревога за Њу Делхи, второто највисоко ниво на тревога, предвидувајќи густа до многу густа магла во многу области, пренесуваат британските медиуми.
Видливоста на главниот аеродром во Њу Делхи беше помеѓу нула и 100 метри, соопшти метеоролошката служба, а повеќе од 40 тргнувања на возови низ северна Индија беа одложени поради маглата, објавија локалните медиуми.
Одложен и се некои полетувања од Њу Делхи, каде што секој ден има по околу 1,400 летови, соопштија аеродромските власти на платформата X.
Главниот град на Индија од почетокот на зимата се бори со лошиот квалитет на воздухот и смогот.
Ново на Сител
-
Жената која беше извлечена од Вардар пред неколку денови е исчезнатата Лидија
-
Руте: Мора да направиме се што можеме за да ги чуваме нашите луѓе безбедни
-
Русија изврши масовен воздушен напад врз украинската енергетска инфраструктура
-
Четврто одложување на повтореното судење за модуларната болница
-
Времено исклучен Блок 1 од РЕК Битола
-
Kaj 30-годишник во Аеродром пронајдена, марихуана, бела грутчеста материја, таблети и пиштол
-
Прекин во работењето на системот е-Даноци
-
Шекеринска учествува на Форум за надворешна и безбедносна политика во Литванија