Македонија
6. October 2022 - 11:30

Николовски: Овозможуваме слободен извоз на нашите земјоделски производи во Украина

Министерот за земјоделство, шумарство и водостопанство, Љупчо Николовски денска во Украинската амбасада во Прага  во присуство на двајцата премиери на Македонија и Украина, Димитар Ковачевски и Денис Шмихал, заедно со заменик министерот за економски развој и трговија на Украина, Тарас Качка ги потпиша одлуките за ревидирање на протоколите од Договорот за слободна трговија помеѓу Северна Македонија и Украина.

Од Министерството за земјоделие велат дека преку потпишувањето на овој Договор се овозможува безцарински извоз меѓу двете земји, особено на свежото овошје и зеленчук. Македонските земјоделски производи зелка, јаболко, домат, краставица, грозје, како и други земјоделски производи, слободно ќе се извезуваат за Украина и дека со потпишувањето на овој Договор се постигнува и многу поголема либерализација во врска со правилата за потекло на стоката.

- Зајакнувањето на соработката помеѓу наште две држави доаѓа во значаен момент за двете држави, а бенефит од овој Договор ќе имаат македонскиот и украинскиот народ, се наведува во соопштението. 

Министерот Николовски упати благодарност до премиерот на Украина Денис Шмихал и заменикот министерот Тарас Качка, што во вакви сложени услови изнајдоа време и желба за да се потпишеме овој значаен договор, стои во соопштението од министерството.