Николоски по ратификацијата на договорот: Ќе ја направиме Македонија подобро место за живеење
Вицепремиерот и министер за транспорт Александар Николоски ја поздрави ратификацијата на Договорот меѓу Владата на Македонија и Владата на Обединетото Кралство на Велика Британија и Северна Ирска кој беше изгласан денеска во Собранието.
-Изгласан е Законот за ратификација на Договорот меѓу Владата на Македонија и Владата на Обединетото Кралство на Велика Британија и Северна Ирска. Овој Договор е од историско значење за Македонија и развојот на државата, напиша вицепремиерот Николоски на својот фејсбук профил.
Со овој договор, наведува Николоски, кој стави параф на договорот минатата недела во Лондон од името на македонската Влада, се потврдува партнерството помеѓу двете држави.
-Заеднички ќе направиме огромни проекти и ќе ја направиме Македонија многу подобро место за живеење, стои на фејсбук статусот на вицепремиерот Николоски.
Вицепремиерот и министер за транспорт, Александар Николоски и британскиот министер за економија и извоз, Герет Томас на 22 мај во Лондон го потпишаа Договорот во врска со партнерство за реализација на инфраструктурни објекти, со кој земјава добива на располагање историски најголем обем на средства од пет милијарди фунти за реализација на капитални проекти.
За да стане ефективен договорот треба да биде усвоен од Владата на Велика Британија. Потоа започнуваат официјални разговори и преговори за реализација на проектите.
-Мојата амбиција е дека во текот на летото ќе имаме договори, а доцна наесен и работа на терен, рече вицепремиерот Николоскиво врска со Договорот.
Ново на Сител
-
Пожарот кај село Николиќ се уште активен, тешко пристапниот терен ја отежнува интервенцијата
-
Во Македонија лани изгореле 95.181 хектари шума - 3,7% од вкупната територија на државата
-
Премиерот добил дојава дека дел од европратениците нема да гласаат за бришење на македонскиот јазик и идентитет
-
ВМРО-ДПМНЕ ќе го поддржи ВРЕДИ уште во првиот круг
-
ДЗР: За раскинување на договорите за нов Клинички и болницата во Штип фирмите бараат 45 милиони евра отштета
-
Преглед на вестите од светот
-
СДСМ: Владата ги остави граѓаните сами да се справуваат со пожарите
-
Сиљановска: Длабоко сум разочарана што се избришаа македонскиот јазик и идентитет од извештајот на ЕП