Николиќ: ЕУ ја направи мигрантската рута преку Македонија и Србија
Европската унија сама ја создаде маршрутата на мигрантите преку Македонија и Србија, кои се надвор од ЕУ, а со леснотија можеше да ги одврати мигрантите да поминуваат низ земјите членки Бугарија и Грција, изјави српскиот претседател Томислав Николиќ во интервју за телевизијата „Раша тудеј", пренесува ТАСС .
- Србија сега има доволно ресурси, трпение и разбирање, за да ги прифати сите мигранти кои пристигнуваат во земјата, рече Николиќ.
Тој додаде дека додека границите на ЕУ се отворени, Србија ќе продолжи да се грижи за бегалците, особено за децата, да им обезбедува медицинска помош и да им помага да ја преживеат зимата, да прави се што е можно за да можат да продолжат кон северноевропските земји. Тој, сепак, додаде дека Европската унија не и помага на Србија во решавањето на овие проблеми.
Николиќ вели дека Србија не е против отворањето на границите, но ќе биде „чудно", ако Австрија, Германија и другите земји престанат да примаат мигранти.
- Ние само сакаме ЕУ да не предупредува за плановите за мигрантите, ако постојат такви планови. Ние не бараме помош, само треба да знаеме колку долго и колкав број мигранти планира да прифати ЕУ и кога ќе престане да го прави тоа, прецизира Николиќ.
Ново на Сител
-
Знаци што телото ги праќа ако се внесува премногу додаден шеќер
-
Австралијката МекКион постави светски рекорд на 100 метри грбно
-
Трет пораз на Еурофарм Пелистер во Лигата на шампиони
-
Стапува во сила Законот за нефер трговски практики, се очекува намалување на цените на околу 2.500 производи
-
Унгарија со план како да го реши спорот меѓу Скопје и Софија, за Орбан земјава мора да ги почне преговорите до крајот на годинава
-
Во Претставничкиот дом предложена резолуција да се слават јазикот, историјата и културата на македонските Американци
-
Либански Хезболах го нападна северен Израел по израелскиот напад врз неговото седиште
-
Состојба на патиштата