Непознат сторител ги сменил бравите на вратите на седиштето на ПДП

Непознат сторител ги сменил бравите на двете врати во седиштето на Партијата за демократски просперитет во Тетово. 

Како што соопшти полицијата, вчера околу 9:45 часот во Полициската станица во Тетово, Н.Б.(54) од Тетово пријавил дека во временскиот период од 15 декември оваа година до вчера, на ул. “Видое Смилевски-Бато“ поточно во седиштето на Партијата за демократски просперитет (ПДП) непознат сторител со употреба на тврд предмет направил оштетување на бравата од металната решеткаста влезна врата, на која бил искинат и катанецот, а потоа направено било оштетување на цилиндер бравата на влезна врата. Лицето потоа ги сменило катанецот како и цилиндер бравите на двете врати.

Од страна на СВР-Тетово извршен е увид и се работи на целосно расчистување на случајот.