Неколку илјади пожарникари во Њујорк протестираат против задолжителната вакцинација
– Илјадници работници во Њујорк, претежно пожарникари, протестираа на Бруклинскиот мост против задолжителната вакцинација, што ја најавија градските власти минатата недела.
„Дали нè прашувате дали сте вакцинирани кога нè повикувате на помош?“, „Вчера неопходни, денеска невработени“, пишуваше на транспарентите што ги носеа луѓето.
Сите градски работници беа поканети да прошетаат по Бруклинскиот мост до Градското собрание, но пожарникарите беа најбројни, препознатливи во маичките на нивните станици, а некои ги носеа имињата на колегите убиени во нападите на 11 септември 2001 година.
Според Противпожарната служба на Њујорк, стапката на вакцинација во понеделникот била 60 отсто од вкупно околу 17.000 пожарникари, што е значително помалку од 84 отсто од вакцинираните возрасни њујорчани.
По вакцинирањето на наставниците и негувателите во септември, стапката на вакцинација сега надминува 95 отсто, а Њујорк ја прошири обврската за вакцинација на сите 160.000 градски работници, од кои 46.000 не ја примиле првата доза до минатата недела.
Полицискиот синдикат веднаш најави дека одлуката ќе ја оспори на суд.
За да ги мотивираат неодлучните, градските власти ветија бонус од 500 долари за оние кои ќе ја примат првата доза од вакцината до 29 октомври. По тој датум, на оние кои одбиваат ќе им бидат суспендирани приходите.
Ново на Сител
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија
-
Истрага за насилство во училиште во Битола, мерка притвор за еден од извршителите