Не е познато колку точно луѓе загинаа во пожарите во Лос Анџелес, вели шерифот на округот

Засега не е познат точниот број на загинати во пожарите во Лос Анџелес, изјави денеска шерифот на округот Лос Анџелес Роберт Луна.

Најмалку пет лица загинаа во пожарите, соопштија официјални лица. Сепак, Одделот на окружниот шериф работи со соодветни служби за „да ги утврди тие бројки“, рече Луна на прес-конференција.

-Ова е криза и не знаеме што да очекуваме. Бидете трпеливи со нас кога ќе нè прашате за бројот на загинати. Во моментов, искрено, сè уште не знаеме, рече Луна.

На прашањето дали сегашниот број на загинати е точен, Луна рече: „Сакам да бидам посигурен во конкретните информации што ги добивам. Значи, она што го правиме сега е да се навраќаме низ сè“.

Луна смета дека сегашниот број на загинати ќе се зголеми.

-Се надевам дека грешам, но мислам дека ќе се зголеми, рече тој.