НБА: Сан Антонио без проблеми до гостинска победа

Кошаркарите на Сан Антонио ноќеска ја продолжија успешната серија на гостински терен од стартот на сезоната и ја постигнаа 14.та победа на 15.иот гостински натпревар. Тие славеа триумф на теренот на Феникс. Предводници кај „мамузите“ беа: Каваи Леонард и Пау Гасол кои постигнаа по 18 поени и заедно имаа 19 скокови (Леонард 10, Гасол 9).

Триумф ноќеска оствари и најдобриот тим во лигата Голден Стејт откако на домашен терен го победи Њујорк.

Резултати на ноќешните натпревари: Милвоки – Чикаго 108:97, Њу Орлеанс – Индијана 102:95, Деневер – Портланд 132:120, Феникс – Сан Антонио 92:107 и Голден Стејт – Њујорк 101:90.

Пласман Источна конференција: Кливленд 18-6 (победи - порази), Торонто 18-7, Шарлот 14-12, Њујорк 14-12, Бостон 13-12, Чикаго 13-12, Детроит 14-13, Милвоки 12-12,...

Пласман Западна конференција: Голден Стејт 23-4, Сан Антонио 21-5, ЛА Клиперс 19-7, Хјустон 19-7, Мемфис 18-9, Јута 16-10, Оклахома Сити 15-11, Портланд 13-15,...