-->
-->
НБА: Далас победи во ЛА, порази на Лејкерси и Денвер
-->
Далас со Лука Дончиќ успеа да ги победи ЛА Клиперс, додека ЛА Лејкерс и Денвер Нагетс, без Леброн Џејмс и Никола Јокиќ запишаа нови порази во НБА лигата.
Далас Маверкс ја прекинаа серијата од три порази. Во продолжението Маверикс славеа во Лос Анџелес со 112:104. Дончиќ се врати по повредата и заедно со Кристапс Прозингис го предводеше тимот.
Словенецот забележа 26 поени и по девет скока и асистенции, Летонецот постигна 30 поени.
Кај Клиперс се истакнаа Џарен Џексон со 31 и Пол Џорџ со 26 поени.
Денвер во Портланд загубија со 100:119. Нагетс се во серија од пет порази, три од нив забележаа без Јокиќ. Покрај поразот, Мајк Мелоун се соочи со повреда на уште еден играч, во текот на првото полувреме коленото го повреди Пи-Џеј Доужер.
Си-Џеј Мекалум постигна 32, а Демијен Лилард 23 поени за Портланд. Џеф Грин со 24 и Монтеј Морис со 16 поени се истакната кај Денвер.
ЛА Лејкерс, без суспендираниот Леброн Џејмс и болниот Ентони Дејвис, паднаа во „Медисон сквер гарден“ во Њујорк. Никс славеа победа 106:100.
Лејкерси успеаја да се врата во мечот, откако губеа со разлика од 25 поени, но на крајот немаа сили за целосен пресврт.
Еван Фурније беше најефикасен со 26 поени, додека Џулиус Рендл против поранешниот тим забележа 20 поени, 16 скока и пет асистенции. На спротивната страна Расел Вестбрук забележа трип-дабл (31 поен, 13 скока, 10 асистенции), а потфрли екс-играчот на Њујорк, Кармело Ентони, кој погоди само три од 14 обиди од игра.
-->
-->
-->
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати