Навреме и без проблеми се гласа во Кавадарци, Неготино, Демир Капија и Росоман
Навреме беа отворени гласачките места и без проблем тече гласањето во неколку општини од Тиквешијата.
Претседателот на Општинската изборна комисија Кавадарци Зоран Костов рече дека засега не се регистрирани никакви инциденти при гласањето и тоа поминува во најдобар ред.
- Се надеваме дека така ќе биде и во остатокот од денот, нагласи тој.
И претседателката на неготинската општинска изборна комисија Нетка Веселинова изрази задоволство од стартот на изборниот ден и поради тоа што мирно тече гласањето на локалните избори.
- Навреме ќе ја информираме јавноста за текот на гласањето и излезноста, додаде таа во нејзината прва изјава за денеска.
Дека без проблеми почна и трае гласањето и во Демир Капија соопшти и Стојна Топчиева, претседателка на Општинска изборна комисија Демир Капија.
- Очекуваме така да биде во текот на целиот ден, да имаме фер и демократски избори на кои гласачите ќе можат слободно да си го дадат својот глас по свое сопствено убедување, рече Топчиева.
Без инциденти стартуваше и се одвива и гласањето во Росоман, информираа од изборната комисија во оваа општина.
Вчера без проблеми гласаа болните и изнемоштените.
Во Кавадарци гласаа 83 болни и изнемоштени, а избирачкиот список брои 32.671 избирачи. Денес се гласа на 60 избирачки места.
Во Неготино вчера гласаа 84 болни и изнемоштени неготинци. Бројот на избирачи е 16.073, а денес се гласа на 27 избирачки места.
Во Демир Капуја вчера беше во тек гласањето од страна на 49 болни и изнемоштени. Вкупниот број на граѓани со право на глас во избирачкиот список е 3.405, а денес своето уставно право на глас демиркапијци ќе можат да си го остварат на 11 избирачки места.
Триесет и едно болно и изнемоштено лице гласаа во текот на вчерашниот ден во Росоман. Во избирачкиот список се евидентирани 3.410 избирачи, а денес росоманци можат да избираат на десет изборни места.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово