Народна банка: Kорпоративниот сектор закрепнуваше во 2021 година
Корпоративниот сектор во 2021 година постепено го нормализираше работењето, при што претпријатијата во значајна мера закрепнаа од последиците од пандемијата. Нето-добивката на корпоративниот сектор се зголеми за 30,7 отсто по падот на добивката од 18,9 проценти во 2020 година. Според Народната банка, видливо е и значително намалување на учеството на субјектите од корпоративниот сектор што работеле со загуба, коешто во 2021 година изнесува 32,7 проценти од вкупниот број субјекти од корпоративниот сектор наспроти 43,6 отсто во претходната година.
Извештајот за корпоративниот сектор нотира умерено подобрување на оперативната ефикасност, со подобрена уредност во извршувањето на обврските и наплатата на побарувањата, што придонесе показателите за ликвидноста да се задржат на стабилно, но скромно ниво.
Постепеното економско заздравување, придонесе кон подобрување на способноста за редовно намирување на долгот, пришто се зголеми покриеноста на каматните расходи и расходите за финансирање со добивката од редовни активности.
Во 2021 година забрза и растот на капиталот на корпоративниот сектор, што овозможи раст на должничкото финансирање, без позначително да се зголеми нивото на задолженост изразено како сооднос меѓу долгот и капиталот (финансиски левериџ) на корпоративниот сектор. Вкупниот долг на домашниот корпоративен сектор во 2021 година забележа раст од 9,9 отсто.
Сепак, пост-пандемиското закрепнување на економската активност со подинамичен раст на бруто-домашниот производ овозможи стапката на задолженост на корпоративниот сектор на крајот од 2021 година да остане на релативно слично ниво како и во претходната година (68,5, наспроти 68,7 проценти) и под изведениот праг на ранливост, но сепак упатува на потреба од претпазливо следење.
Во текот на 2021 година се подобри и пристапот на претпријатијата до банкарски кредити, при што се зголеми бројот на компании што користат кредити од банкарскиот сектор за 8,1 процент. Согласно податоците од поднесените годишни сметки на корпоративниот сектор, во 2021 година банките имаат кредитна изложеност кон 37,5 отсто од вкупниот број активни субјекти.
Во контекст на финансиската стабилност, главните ризици од овој сектор се поврзани со влошениот амбиент за работењето на домашниот корпоративен сектор, особено нагласен од почетокот на оваа година, под влијание на воениот конфликт во Украина кој дополнително ги продлабочи веќе присутните нерамнотежи на глобалниот пазар, придружени со раст на цените на енергенсите и на репроматеријалите и генерално засилување на инфлацијата во глобални рамки.
Ново на Сител
-
Трамп повика на средба меѓу Украина и Русија во Турција оваа недела
-
ПМФЛ: Вардар го доби Работнички во градското дерби
-
Македонија ја совлада Литванија и се пласираше на ЕП 2026
-
Куче врзано за кола и влечено во Крива Паланка
-
Малолетничка пријавила дека доктор ја допирал по телото на клиниката „Мајка Тереза“
-
Папата Лав Четиринаесетти ги повика светските сили да ги прекинат сите војни
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница