Наредена евакуција на над 82.000 лица поради шумски пожар во Калифорнија
Американските власти денеска издадоа наредба за евакуација на над 82.000 лица во југозападниот дел на сојузната држава Калифорнија, поради забрзаното ширење на голем шумски пожар.
Како што јави ДПА, пожарот избувнал вчера близу планинскиот премин Кахно во округот на Сан Бернардино, на околу сто километри источно од Лос Анџелес, и до денеска се проширил на површина од над 120 километри квадратни.
Националната координативна група за шумски пожари соопшти дека наредбата за евакуација е издадена поради „непосредна закана за јавната безбедност, патниот сообраќај и изградените објекти“.
Поради огнената стихија, затвореи за сообраќај се повеќе патни правци во областа, меѓу кои и автопатот од Лос Андечес до Лас Вегас.
Во гаснењето на огнот се вклучени над 1.300 пожарникари, потпомогнати од авиони и хеликоптери, но справувањето со пожарот е отежнато поради сушата, ветрот и високите температури од над 35 степени Целзиусови.
Поради пожарот гувернерот на Калифорнија, Џери Браун прогласи вонредна состојба во округот Сан Бернардино.
Ново на Сител
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право