Најстудено утрово на Попова Шапка, засилен ветер во Штип
Утрово најниска температура е забележана на Попова Шапка, - 4 степени Целзиусови. Еден степен под нулата се измерени во Лазарополе и во Маврови Анови. Потоа следат Крушево со 0 степени, 2 во Берово, 3 Прилеп, Куманово, Крива Паланка и Виница, 4 во Тетово, Битола, Скопје – Зајчев Рид, Штип, Кавадарци, Дебар и Велес, 5 во Демир Капија и Претор, 6 во Струмица, Охрид и Дојран и 7 степени Целзиусови во Гевгелија, соопшти УХМР.
За изминатите 24 часа до 07 часот утрово најмногу дожд од 22 л/м2 наврнал во Маврови Анови, 16 во Лазарополе, 13 Дебар, 12 Тетово, Пожаране, Скопје – Петровец, 10 Попова Шапка, Куманово, Скопје – Зајчев Рид, 6 Кавадарци, 5 Велес, Претор, 4 Демир Капија, Крива Паланка, 3 Штип, Берово, 2 Прилеп, Крушево, Тополчани,
Во текот на ноќта постуден воздух и зголемена облачност се преместуваа кон исток и југоисток од земјата. Имаше врнежи од дожд кои во првиот дел од ноќта беа проследени со ретки грмежи, а повремено беа и поројни. Утрово е свежо, со засилен ветер во Штип (и до 40 км/час), а дожд има на Ѓуриште.
Според прогнозата на УХМР, времето денеска променливо облачно, особено претпладне со повремени врнежи од дожд, наместа поројни, проследени со ретки грмежи. На повисоките планини ќе има појава на снег. Ќе дува засилен ветер од северен правец (над 70 km/h) најизразен долж Повардарието. Попладне облачноста ќе се намали. Максималната температура ќе биде во интервал од 9 до 16 степени.
Во Скопје претпладне со повремен дожд. Преку денот ќе дува умерен до повремено засилен ветер од северен правец, а облачноста попладне ќе се намали. Максималната температура ќе достигне 15 степени.
Ново на Сител
-
Гостиварец собрал 760 евра за лекување, со измама му ги земале парите
-
Крвава драма во Тетово: Еден прободен
-
Убиена дива свиња пронајдена во багажник, кривична за две лица
-
Мицкоски: Не можеме повеќе да прифаќаме ултиматуми
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН