Loading Video...
Свет
7. јуни 2023 - 12:18

Најмалку 7 исчезнати по уривањето на браната Нова Кахковка

7 лица се водат за исчезнати во рускиот дел од херсонската област, а повеќе од 40 000 луѓе се загрозени по поплавите предизвикани од рушењето на браната Нова Кахковка, од акумулацијата на реката Дњепар. 

Во овој момент 80 градови и села се соочуваат со опасност, а првите луѓе на државните хидроцентрали на Украина предупредија дека врвот на излевање на водата од резервоарот што се празни, се очекува денеска. Досега се поплавени над 1500 домови.

Спасувачите кои работат на украинската страна пак се жалат дека најголемиот проблем во моментов не е водата, туку Русите од другата страна на реката кои ги гранатираат.

Инаку, се уште е непознато што е причината за рушењето на браната, а продолжуваат меѓусебните обвинувања меѓу Москва и Киев.

Украинските воени разузнавачи тврдат дека Русија намерно ја разнела за да ја запре очекуваната украинска противофанзива. Украинскиот претседател Зеленски изјави дека рушењето на браната е еколошка бомба за масовно уништување.

Русија, пак, тврди дека уништувањето на браната е резултат на украинско гранатирање.

Она што се случи вчера во Каховка, треба да стане тема за проучување и истражување низ целиот свет, рече портпаролката на руското МНР, Захарова.