Најмалку 50 загинати во судар на два автобуса и цистерна во Авганистан

Најмалку 50 лица погинале во сударот на два автобуса и една цистерна со гориво, што денеска се случил на фрекфентен автопат во Авганистан, соопштија локалните власти.

-Во несреќата, исто така, се повредени повеќе десетици лица, а се очекува бројот на жртвите да се зголеми, изјави портпаролот на гувернерот на источната авганистанска провинција Газни, Џавед Саланги, пренесоа американските медиуми.

Тој наведе дека 73 патници од автобусот се повредени и префрлени во болница и додаде дека документите покажуваат дека во двата автобуса во моментот на несреќата се наоѓале вкупно 125 патници.

До сударот дошло на главниот автопат што ги поврзува престолнината Кабул и Кандахар, на југот од Авганистан, а возилата потоа се запалиле.

-Несреќата била предизвикана од невнимателно возење, рече директорот на локалната управа за сообраќај Мохамадула Ахмади.