Најмалку 23 убиени авганистански војници во инсајдерски напад на талибанците во воена база во покраината Газни
Најмалку 23 авганистански војници се убиени од група талибански борци, кои биле инфилтрирани во нивните редови, во југо-источната провинција Газни, соопштија синоќа локалните власти, јави ДПА.
-Инфилтрираните талибанци ги нападнале војниците во воената база во покраината Карабаг, соопштија членовите на локалниот совет Есматулах Јaмамрудвал и Аманалах Камран.
Во инцидентот е ранет уште еден војник, но преживеал само затоа што се преправил дека е мртов, соопштија официјалните лица.
Талибанците ја презедоа одговорноста за инцидентот, тврдејќи дека во нападот се убиени 32 авганистански војници. Засега нема потврда за оваа бројка, пренесува ДПА.
Провинцијата Газни не е нова почва за овој вид инсајдерски напади, што е вообичаен стил на дејствување на талибанците. Во изминатите две години во различни делови на покраината, во вакви напади беа убиени десетици претставници на авганистански безбедносни сили, наведуваат официјални преставници на властите.
На покраината Газни и недостасува воен персонал, а нововработените војници често пати не подлежат на соодветни заднински безбедносни проверки, потсетува германската агенција.
Ново на Сител
-
Пакистан подготвен за мир ако Индија ги запре воените дејства, вели министерот Дар
-
Макрон во Киев: Подготвени сме да помогнеме ако има прекин на огнот од 30 дена
-
Тошковски за пожарот во Кочани: Во моментов се сослушуваат сведоци коишто се поврзани со кривичниот настан
-
Токсичен облак кај Барселона: Властите апелираат граѓаните да не излегуваат надвор
-
Трамп потпиша извршна наредба за почеток на програма за самодепортација
-
Приведени три лица од кумановско поради управување возило под дејство на алкохол
-
Во Скопје утре авионска дезинсекција против комарци
-
Трајков: Евроинтеграцискиот процес е еден од врвните приоритети, Унијата од нас очекува конкретни резултати