Најмалку 11 загинати во налетот на ураганот Агата во јужниот дел на Мексико
Најмалку 11 лица го загубија животот во налетот на ураганот Агата што го зафати тихоокеанското крајбрежје на Мексико.
Невообичаено силното невреме го одбележа првиот ураган оваа сезона, со интензивни дождови што предизвикаа поплави и лизгање на земјиштето и поплави.
Со поместувањето кон континенталниот дел на Мексико ураганот почна да губи на сила, преминувајќи во тропска бура за доцна синоќа речиси потполно да исчезне.
Најмалку 11 лица загинаа, а 21 се водат како исчезнати во невремето, соопштија локалните власти.
Гувернерот на Јужно Мексико Алехандро Мурат, рече дека неколку населени места на крајбрежјето и во планинската област Сиера Сур се уште се без електрична енергија и телефонски врски. Мексиканската компанија за електронабдување соопшти дека без напон се околу 70 илјади домаќинства и правни субјети.
Училиштата во најпогодените региони и денеска остануваат затворени.
Националната агенција за урагани предупреди дека остатоците од Агата и наредните неколку дена ќе донесат обилни врнежи низ југоисточно Мексико, така што се уште не е помината опасноста од појави на одрони и лизгање на земјиште.
Со ветрови до 165 километри на час Агата беше ураган од втора категорија, на скалата до пет степени и најсилното невреме оваа сезона што трае од 15 мај до 30 ноември во регионот на Тихиот и од 1 јуни до 30 ноември во Атлантскиот Океан.
Експертите проценуваат дека климатските промени веројатно придонесуваат за дополнителна интензивност на тропските циклони.
Ново на Сител
-
Мајка на едногодишно девојче меѓу жртвите во пожарот во Кочани
-
Се враќал да извлече повеќе млади но се срушил кровот, Георги зад себе остава двомесечно дете
-
Тошковски: Темелна контрола на објекти со лиценца, но и на оние објекти кои се користат како дискотеки и клубови
-
Студентите во блокада со повик за оддавање почит за жртвите во Кочани во - Крагуевац и Нови Сад
-
За случајот со пожарот во дискотеката во Кочани досега приведени се 18, а задржани 16 лица, информира Тошковски
-
Митрополитот на Брегалничката епархија г. Иларион повика и ги замоли сите граѓани да бидат кротки, смирени, трпеливи во овие тешки мигови
-
Завршена обдукцијата на сите починати во пожарот во Кочани
-
Уапсен 34 годишен кумановец, се заканувал на 28 годишна жена со која се познавале од претходно