Најдени остатоци од изгубениот авион: Пилотите исчезнале

Остатоци од францускиот борбен авион „мираж 2000Д“ со два пилота пронајдени се во Мињовилар во областа Жир.

 

Авионот за време на снежната бура исчезнал недалеку од границата со Швајцарија, а по пилотите се уште се трага, јавуваат француските медиуми.

 

Се надеваме дека ќе ги пронајдеме живи. Зсега се водат како исчезнати-изјавил портпаролот на француските воздухопловни сили Сирил Дививие, на конференција за новинарите, пренесува Фигаро.

 

Дививие навел дека со пилотите не е воспоствен никаков контакт откако исчезнал  авионот од радарите денеска претпладне и дека немало сигнали дека се катапултирале.

 

Според неговите зборови, не е активиран механизмот за катапултирање под седиштето.

 

Неименуван воен извор рекол дека само се знае дека се случило нешто невообичаено.