Награда за тимот од Неврохирургија
Признание за највисоко рангиран научно-истраувачки труд од областа на медицината за 2022 година, за мултидисциплинарниот тим предводен од д-р Рендевски, доделено од Македонското Лекарско Друштво, по повод 7 април светскиот ден на здравјето.
Македонското Лекарско Друштво (МЛД), по повод 7 април, светскиот ден на здравјето организираше свечен собир под мотото ,,здравје за сите“.
На настанот обраќања имаа: претседателот на МЛД, проф. д-р Горан Димитров, министерот за здравство д-р Фатмир Меџити, д-р Ане Јохансен, специјалната претставничка на СЗО за Северна Македонија и шефица на Канцеларијата на СЗО во Скопје, а тематско предавање одржа Проф. д-р Јованка Караџинска Бислимовска од Институтот за медицина на трудот.
На настанот беа доделени повелби, признанија, плакети и дипломи на здравствени работници кои ја одбележаа изминатата 2022 година.
Признание за највисоко рангиран научно-истражувачки труд од областа на медицината за 2022 година, доби мултидисциплинарниот тим од медицинскиот и природно-математичкиот факултет во Скопје во состав: Доц. д-р Владимир Рендевски, Асс. м-р Борис Алексовски, Д-р сци. д-р Ана Михајловска-Рендевска, Проф. д-р Никола Хаџи-Петрушев, Проф. д-р Ненси Манушева, Асс. д-р Благој Шунтов и проф. д-р Ицко Ѓоргоски.
Нивниот научно-истражувачкиот труд под наслов: „Inflammatory and oxidative stress markers in intracerebral hemorrhage: Relevance as prognostic markers for quantification of the edema volume“ е објавен во реномираното медицинско списание Brain Pathology, под покровителство на публикувачката група John Wiley & Sons. Ова списание е официјалното списание на Интернационалното здружение за невропатологија, и поседува импакт фактор 9.011, и истото е рангирано во првата категорија (Q1) на најдобри научни списанија од областа на клиничка неврологија според светската класификација на Scimago (SJR - Scimago Journal Rankings).
Во овој научен труд беа сериски испитувани деветнаесет инфламаторни медијатори, пет маркери за оксидативен стрес, радиолошки и клинички параметри кај пациенти со хеморагичен мозочен удар. Врз таа основа изработени се напредни математички модели со кои нумерички се предвидува волуменот на мозочниот едем кој се јавува по 4-5 дена од настанувањето на мозочниот удар, а исто така е прикажан и апликативен софтверски пакет кој прави и 3Д- моделирање на резултатите.
Ново на Сител
-
Вo среда наутро во Скопје авионска дезинсекција против комарци
-
МВР: Кривична пријава против 23 физички и 15 правни лица, предизвикале штета на буџетот од над 94 милиони евра
-
Собранието ги изгласа новите кадровски решенија на Влен
-
Се шири болеста чума кај малите преживари во Албанија, стигна и во погранична област во близина на Дебар
-
Поднесени кривични за две лица од Делчево осомничени за „предизвикување општа опасност“ и „бесправно градење“
-
Полициски службеници евакуираа и транспортираа повредено лице од планината Јабланица
-
Муцунски во посета на Казахстан: Во фокусот економската и политичката соработка
-
Скопјанец приведен за семејно насилство