Над половина милион денари за шинтерски услуги во Кочани
Комуналното јавно претпријатие „Водовод“ склучи договор со ветеринарната клиника „Ино-вет“ од Куманово за обезбедување шинтерски услуги на подрачјето на општина Кочани, а за што од сопствената сметка ќе плати 552 илјади денари во нето износ.
Според договорот, кумановската фирма ја презема обрската за соодветен третман и намалување на проблемот со бездомните кучиња, а со сумата што ќе се потроши би требало да се опфатат седумдесетина животни.
– Ветеринарната клиника „Ино-вет“ има обврска да изврши заловување на кучињата, да напрaви лабораториско испитување за болеста лајшманија, да ги вакцинира и стерилизира машките и женските единки, како и да обезбеди времено вдомување или чување на животните, а доколку е потребно можна е и еутаназија. Исто така, вклучена е и обврската за микрочипување и маркирање, а по третирањето дел од кучињата да бидат вратени на местото на заловувањето, се наведува во договорот.
Според извештајот за реализираните шинтерски услуги во текот на минатата година, доставен до Советот на Општина Кочани, комуналното претпријатие „Водовод“, во соработка со комунален инспектор организирало 10 акции во кои се заловени 61 бездомно куче. За секоја акција бил изготвен соодветен запсиник со потпис на овластените лица.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.