Над 20 бегалци со гумен чамец пристигнале во Италија од грчкиот остров Крф
Над 20 бегалци, кои со гумен чамец тргнале од грчкиот остров Крф, денеска пристигнале во Италија, каде еден од нив бил уапсен, а останатите сместени во прифатен центар, информира грчката агенција АНА-МПА, повикувајќи се на италијански извори.
Во чамецот вкупно имало 22 лица, од кои 17 биле мажи и пет жени, а потекнувале од Сирија, Сомалија и Иран.
Според италијанскиот весник „Република“, заедно со мигрантите во чамцот патувале и две други лица - Грк и Албанец, за кои се претпоставува дека се шверцерите кои го организирале патувањето на бегалците до Пуља, во јужна Италија.
Бегалците се сместени во прифатен центар во градот Отранто.
Италијанската полиција при идентификацијата на бегалците уапсила Иранец заради поседување фалсификувани документи и пасош.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите