Над 100 илјади починати од коронавирус во Мексико

Повеќе од 100.000 луѓе починаа во Мексико од Ковид-19, соопштија властите на таа земја.

Водечкиот епидемиолог во Мексико, Хозе Луис Аломија Сегара, синоќа потврди дека се регистрирани 100.104 смртни случаи во земјата.

Мексико е четврта земја што забележа црно салдо со повеќе од 100.000 смртни случаи, по САД, Бразил и Индија.

Податоците се објавени една недела откако мексиканските власти потврдија дека повеќе од милион луѓе биле заразени со вирусот.