Н1: Граѓаните на Србија точат најскапи бензин и дизел
Граѓаните на Србија во моментов точат најскапо гориво во споредба со другите жители на државите од поранешна СФРЈ, објави денеска порталот Н1.
Цената на бензинот од 95 октани на пумпите во Србија од минатиот петок изнесува 184 динари, што според средниот курс на Народната банка на Србија е 1,57 евра, додека литар дизел чини 209 динари, односно 1,78 евра, пренесе Бета.
Бензинот (95) е најевтин во Црна Гора – 1,45 евра, додека најниска цена на дизелот во моментов има во Северна Македонија, каде што чини 1,47 евра.
Во Хрватска од 9 август литар бензин од 95 октани чини 1,50 евра, додека цената на дизелот е 1,61 евро. Според регулативата што ја усвои Владата на Хрватска, сегашниот начин на пресметување на највисоките цени ќе се применува во наредните седум дена и ќе важи за сите малопродажни места.
На пумпите во Словенија на 2 август бензинот 95-ка поевтини за девет центи и чини 1.534 евра, а цената на дизелот е намалена на 1.676 евра за литар. Сегашните цени на горивата ќе важат до 16 август.
Литар дизел во Црна Гора чини 1,55 евра, додека во Северна Македонија од 9 август цената на бензинот и дизелот е изедначена – 1,47 евра.
„Цените на горивата во Босна и Херцеговина не се ограничени и се разликуваат од пумпа до пумпа. Во кантонот Сараево моментално најниската цена на бензинот е 1,51 евро за литар, а дизелот е 1,62 евра. Цените се уште поповолни во Мостар, каде литар бензин чини 95 октани може да се најде по цена од 1,46 евра, а дизел гориво за 1,59 евра“, наведува Н1.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување