МЗТ го совлада Ловќен
МЗТ Скопје со 100:90 на домашен терен го совлада Ловќен од Цетиње во рамките на четвртото коло од АБА2 лигата.
Иако имаа фаворитска улога, кошаркарите на МЗТ во првата четвртина покажаа слабост и им дозволија на гостите да поведат и по десет минути игра резултатот беше 19:24.
Во втората четвртина МЗТ се обиде да се врати во игра и ја анулираше разликата, но кошаркарите на Ловќен не дозволија пресврт и на паузата заминаа со предност од 43:45.
И во третиот период гостите ја задржаа контролата над играта и го добија со 16:19 (59:64).
Во последниот дел кошаркарите на МЗТ покажаа поквалитетна игра и на пет минути пред крајот на натпреварот имаа водство од 73:68, но не успеаа да го задржат и дозволија Ловќен во регуларниот дел да израмни на 77:77.
Кошаркарите на МЗТ потешко од очекуваното дојдоа до победа, дури откако во дополнителното време покажаа поголема концентрација во играта и натпреварот го добија со 100:90.
Лестер Медфорд со 24 поени беше најефикасен кај МЗТ, а Алекса Поповиќ беше прв стрелец на Ловќен и воопшто на натпреварот со 33 постигнати поени.
МЗТ претходно ги совлада Хелиос и Борац Чачак, а загуби од Приморска.
Во следното коло тимот од Аеродром ќе гостува во Мостар кај Зрињски.
Ново на Сител
-
НБ: Нето надворешниот долг до 30 јуни 4,48 милијарди евра
-
Почна монтирањето на новиот топловод под мостот Беласица
-
Поевтинуваат дел од горивата
-
Запленети лекови, мобилни „ајфон 16“, часовници „ролекс“, девизи
-
На респиратор новороденчето чија мајка почина во кумановската болница
-
РКЕ: Грејната сезона почнува на 15 октомври
-
МНР: Нема наши државјани кои се обратиле за помош или евакуација од Либан
-
На 4 октомври застарува затворската казна на Груевски за набавката на „мерцедесот“