МЗ: На лекување во странство се 69 пациенти, нема промена во нивната состојба
Министерството за здравство информира дека во моментов, 69 пациенти се на лекување во странство и нема промена во нивната состојба, во споредба со претходните денови. Непроменета била и состојбата на пациентите во критична состојба.
- Во моментов, во установите во Скопје се лекуваат 15 пациенти. Од нив, шестмина во хируршката клиника „Свети Наум Охридски“. На Клиниката за пластична хирургија се четворица пациенти, пристигнати синоќа од странство. На Клиниката за токсикологија има двајца пациенти - еден од претходно кој е префрлен од хируршката клиника „Свети Наум Охридски“ и еден кој ноќеска е дојден од Шпанија. Еден пациент е хоспитализиран на Клиниката за пулмологија. Во „Систина“ се лекуваат двајца пациенти. Сите пациенти кои се третираат во нашите установи се во стабилна состојба, потенцираат од Министерството.
Во соопштението се додава дека Министерството и понатаму внимателно ја следи состојбата на повредените пациенти и останува во постојана комуникација со медицинските тимови во земјава и странство, посветено на обезбедување најдобра можна нега за повредените од несреќата во Кочани.
Во пожарот на 16 март во дискотеката „Пулс“ во Кочани животот го загубија 60 лица, а повредени беа околу 200 луѓе.
Ново на Сител
-
СДСМ обвинува за корупциски скандал во Куманово, ЗНАМ демантира
-
Намалување на апетитот за проширување на ЕУ
-
Дали со лажни потврди за примени вакцини во Бугарија родители сакаат да ги запишаат децата во училиште?
-
500 ученици во хуманитарна трка
-
Преглед на вестите од светот
-
Хрватскиот претседател Милановиќ во официјална посета на Македонија
-
Мицкоски до полицијата: Правдата мора да дојде преку непоткуплива полиција, чувајте ја Македонија
-
СДСМ Куманово обвинува дека Максим Димитриевски е фатен во огромна корупција