МВР со апел да не се наседнува на измами со лажни сообраќајки, да се пријават во полиција
Од Министерството за внатрешни работи денеска апелираат граѓаните да не наседнуваат на измами со лажни сообраќајки и таквите случаи веднаш да се пријават во полиција.
- Во изминатиот период во Министерството за внатрешни работи, од страна на граѓаните, пријавени се повеќе кривични дела „измама“, извршени врз повозрасни лица. Сторителите ги доведуваат во заблуда лицата на тој начин што им се јавуваат телефонски и им се претставуваат како службени лица, најчесто полициски службеници и од нив бараат финансиски средства за ослободување од кривичен прогон на нивни деца или внуци кои, наводно, непосредно пред јавувањето направиле сообраќајна несреќа со смртни последици, се појаснува во денешното соопштение.
Измамниците ги контактирале жртвите најчесто на фиксен телефон. Но, имало случаи каде што биле контактирани и преку мобилен телефон со скриен број. За да бидат поуверливи, појаснуваат од МВР, во позадина се слушало глас кој бара помош.
- Министерството за внатрешни работи ги известува граѓаните дека се преземаат мерки и активности за расчистување на досега пријавените кривични дела и воедно, апелираме до граѓани да не наседнуваат на ваквиот вид на измами, а доколку бидат контактирани, веднаш да пријават во полиција, потенцираат од Министерството.
Ново на Сител
-
Поскапуваат бензините и дизелот, ова се новите цени
-
Израел со нови воздушни напади врз Иран
-
Авион на „Луфтханза“ на пат кон Индија се вратил во Франкфурт поради закана за бомба
-
ИДФ: Имаме целосна воздушна контрола над Техеран
-
Рано е да се каже дали воениот конфликт меѓу Иран и Израел ќе предизвика ценовен шок, смета бизнисот
-
Градското собрание на Лос Анџелес ќе биде осветлено во боите на македонското знаме во сеќавање на жртвите од трагедијата во Кочани
-
Приведени три лица од Тетово за брзо возење, едниот возел 180 на место каде дозволено е 80
-
Приведен скопјанец, возел со 2,57 промили алкохол во крвта и предизвикал сообраќајка