МотоГП: Маркез победи на „Мизано“
Лидерот во генералниот пласман во МотоГП, Марк Маркез победи на трката за ГН на Сан Марино и го зацементира своето прво место во првенството.
Пилотот на „Хонда“ ја забележа победата број 77 во сите класи на моторцикли во неговата кариера, по триумф, остварен во последниот круг на италијанската писта „Мизано“. Шпанецот го надмина 20-годишниот пилот на Јамаха, Фабио Куартараро, кој се бореше за својата прва победа во кралската класа, водејќи во над 90% од трката.
Маверик Вињалес со фабричката Јамаха, кој стартуваше од пол-позицијата, на крајот имаше сили само за третото место.
Зад триото на подиумот на четвртото место заврши Валентино Роси, следен од Морбидели, со што и четирите мотоцикли на Јамаха завршија во топ 5.
Зад двајцата Италијанци се наредија Довициозо, Еспергаро, Жоан Мир со Сузуки и двајца пилоти со Дукати – Џек Милер и Данило Петручи , кој напредуваше седум места во рамките на 27 обиколки во „Мизано“.
Со предност од 93 поени пред второпласираниот Андреа Довициозо од Дукати, Маркез е уште поблизу до својата осма светска титула.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка