Москва се повлекува времено од Меморандумот за безбедност на летови над Сирија

Русија времено ја прекинува важноста на Меморандумот за спречување инциденти и гарантирање безбедност на летовите за време на операции во Сирија, соопшти руското Министерство за надворешни работи. 

Согласно Меморандумот за спречување инциденти и безбедност на летови потпишан откако Русија почна во септември 2015 година воздушна кампања во Сирија, Русија и САД разменуваат информации за летовите за да избегнат несакани судири на небото над Сирија. Русија има десетици воени авиони и ПВ батерии во база во Сирија.