Москва: САД се обидуваат да ги врбуваат протераните руски дипломати

Руското Министерство за надворешни работи ги обвини денеска американските разузнавачки служби дека се обидуваат да ги врбуваат руските дипломати, кои се протерани од САД поради труењето на поранешниот двоен шпион, Русинот Сергеј Скрипал во Велика Британија.

Во соопштението се нагласува дека постои „зголемување на провокациски дејствија врз руски дипломати“ откако САД донесоа одлука за протерување 60  руски дипломати од мисии во државата. 

Амриканските разузнавачки служби презеле „избезумени напори“ да упатат предлози за соработка со протераните дипломати, наведува руското МНР. Таквите акции ги оквалификува како „цинични и одвратни“ и наведува дека тие обиди се неуспешни.