МОК со поддршка за поплавените подрачја

Градоначалникот на Гази Баба, Тони Трајковски имаше работна средба со претседателот на Македонскиот олимписки комитет, Васил Тупурковски.

На средбата, како што се наведува во соопштението на општина Гази Баби, било разговарано за помош и поддршка на спортот во Гази Баба, а особено за реконструкција на оние спортски објекти во настраданите подрачја кои беа зафатени од поплавата која се случи во изминатиот период.

За веќе постоечките спортски објекти од овие подрачја кои се оштетени ќе се превземат активности како реконструкција и санација и ќе се обезбедат со спортска опрема и реквизити која е потребна за спортистите, но и за учениците, се додава во соопштението.