Могерини во Митровица: Клучниот збор е помирување
Високиот претставник на ЕУ за заедничка надворешна политика и безбедност, Федерика Могерини, денеска во Косовска Митровица изјави дека „помирување“ е клучниот збор и дека дијалогот на највисоко ниво меѓу Белград и Приштина е фундаментално важен, пренесе Танјуг.
Могерини го посети мостот на реката Ибар, во центарот на градот, каде се изведуваат градежни работи, и се сретна со градоначалникот на Северна Митровица, Горан Ракиќ.
Таа изјави дека ги посетува Митровица и, пред се, на мостот, што се обновува со помош на ЕУ.
-Мостот се претвора од симбол на поделеност во симбол на дијалог и контактите меѓу луѓето и во тоа е силата на ЕУ, да се создаде дијалог и разбирање онаму каде претходно имавме конфликти и тешкотии, подвлече Могерини.
Таа изрази надеж дека мостот ќе биде целосно отворен.
Заради посетата на Могерини, во двата дела на градот - северниот (српски) и јужниот (албански) уште од рано изутрина беа воведени засилени безбедносни мерки, а особено во близина на мостот.
Косовската полиција и силите на НАТО (КФОР) го блокираа пристапот до мостот.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски