Модерна од вакцината очекува приход од 19,2 милијарди долари
Американската фармацевтска компанија Модерна денеска соопшти дека годинава очекува 19,2 милијарди долари приход од вакцината против коронавирусот.
Компанијата првото тромесечје го заврши со добивка, за првпат откако е основана. Во првото тромесечје, вакцината на Модерна и донела приход од 1,7 милијарди долари. Вкупниот приход изнесувал 1,9 милијарди долари, во споредба со осум милиони долари во истиот период лани.
Во февруари Модерна најави дека приходот од продажбата на вакцината годинава ќе изнесува 18,4 милијарди долари.
Претставници на компанијата информираа дека годинава треба да се испорачаат 800 милиони до милијарда дози од вакцината, а во 2022 година уште три милијарди.
До крајот на месецот планираат да побараат целосно одобрување во матичната земја – САД.
Ново на Сител
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи
-
Шест години од потпишувањето на Договорот од Преспа
-
Лидерите на ЕУ на неформална средба ќе расправаат за избор на носителите на врвните функции во Унијата
-
Столтенберг во посета на САД и Канада
-
Состојба на патиштата
-
Сончево и топло, температурата до 36 степени
-
Мажите мора да служат војска | Димитар Атанасовски | Лабави муабети | Sitel Podcast 44