МО на Русија: Засега немаме информации за напад врз Деир ал Зур во Сирија

Руското Министерство за одбрана не располага со информации за загинати луѓе и за нападот од авиони на меѓународната коалиција врз сирискиот град Деир ал Зур, изјави портпарол на Министерството, генерал Игор Конашенков.

Тој додаде дека се испратени беспилотни летала во тој регион заради мониторинг и анализа на ситуацијата.

Сириската армија соопшти денеска дека во воздушен напад на коалицијата предводена од САД, врз складиште со отровни материјали на ИД во источниот дел од Сирија, загинале стотици луѓе, меѓу кои и голем број цивили.

Армијата соопшти дека нападот е извршен синоќа во провинцијата Деир ал Зур.