МНР: За членовите на ДКСК ќе се одлучи дали да добијат дипломатски пасоши
Членовите на оваа Комисија не влегуваат во категоријата на лица кои согласно со актите кои го регулираат ова прашање имаат задолжително право на дипломатски патни исправи, но истовремено, на одредени категории, доколку министерот процени дека има потреба, Министерството за надворешни работи има право да издаде дипломатска патна исправа, соопшти МНР во врска со доставените барања за дипломатски пасоши од шесте членови на Државната комисија за спречување корупција (ДКСК).
Како што наведува МНР, седум барања до Министерството - за претседателката Татјана Димитровска и за шесте членови во Антикорупциската комсија, биле доставени од ДКСК во април и тогашниот министер за надворешни работи позитивно одговорил само за претседателката на Комисијата.
Во однос на останатите членови на ДКСК, наведува МНР, „министерот за надворешни работи и надворешна трговија ќе направи дополнителни консултации со цел да биде донесена соодветна одлука, односно дали постојат оправдани причини и тие евентуално да добијат дипломатски или службени патни исправи“.
Откако во јавноста деновиве е актуелно доделувањето дипломатски пасош за претседателката на ДКСК Димитровска и поднесеното барање за ваква патна исправа од шесте членови на ДКСК, Комисијата денеска реагираше со соопштение во кое наведе дека тоа е „право, а не привилегија“ и е овозможено со Законот за патни исправи, цитирајќи го член 11.
Во реакцијата објавена на нивната веб-страница, ДКСК меѓу другото, наведе дека „за да нема дилеми во јавноста и поради крајна транспарентност“, го повикуваат и новиот министер за надворешни работи „да ја преиспита одлуката за дипломатските пасоши на ДКСК, а исто така и пратениците самиот закон доколку сметаат дека има потреба од тоа“.
Ново на Сител
-
Реакција Град Скопје на изјава на министерот за локална самоуправа Перински
-
Хуан Мата ќе игра во Австралија
-
Вкупно 18 пожари на отворено до 19 часот, девет активни
-
Министерот Муцунски ги прими копиите од акредитивните писма на новиот амбасадор на Бугарија, Радуков
-
Перински: Не е предизборен поткуп, повикот за финансирање проекти на општините
-
Запрени работите на автопатот Скопје-Куманово кај Хиподром по вонреден инспекциски надзор на барање на Обвинителството
-
Анадолија: Висок американски претставник тврди дека се договорени 90 отсто од договорот за прекин на огнот во Газа и заложниците
-
Во три случаи на три грчки острови спасени над 170 бегалци и мигранти