-->
-->
Младите каратисти патуваат на ЕП на Кипар
-->
Куќата на спортот беше повторно почетна стартна точка на македонските каратисти кои од 5 февруари до 7 февруари ќе учествуваат на 43-то по ред Европско карате првенство за кадети, јуниори и постари јуниори до 21 година, кое ќе се одржи во Лимасол на Кипар.
Пресот во Агенцијата за млади и спорт го отвори директорот Марјан Спасески кој потенцираше дека станува збор за досега најмасовен собир од овој вид со учество на 48 држави и преку 940 натпреварувачи. Поддршката која АМС ја дава кон карате федерацијата е оправдана пред се поради огромниот напредок на македонските каратисти во сите возрасни категории. Нивните успеси се мотив повеќе за взаена соработка особено кога се очекува можен влез на каратето во олимпискиот циклус на игри. Спасески им посака успех на сите македонски учесници со надеж дека и овојпат ќе има вистинска причина за повторна средба по враќањето од Кипар.
Селекторот на кадетско-јуниорската репрезентација Александар Кузмановски изрази голема благодарност за се што Агенцијата за млади и спорт прави за карате спортот во Македонија и дека тргнуваат во нови походи со спремни репрезентативци. Целта е првенствено достојно претставување на Македонија, а освојувањето на медали е секогаш можно кога се има квалитет и желба.
Селекторот на У21 Арминд Усеини изјави дека ќе настапи со навистина спремни натпреварувачи, кои се зрели за освојување медали. Тој особено го истакна високото ниво на подготвеност на машкиот тим од кој очекува европско одличје.
Меѓу претставниците на тимот присуствуваа Моника Пендаровска, двократен европски медалист во кадетска и јуниорска категорија, младите надежи Столе Смилковски и Фаик Весели, како и бронзениот од последниот континентален јуниорски собир Виктор Крстевски кој годинава преминува во повисока категорија У21.
-->
-->
-->
Ново на Сител
-
Девизните резерви на крајот на август 4,46 милијарди евра
-
Роналдо со критики за Тен Хаг
-
Халанд поставил услов за повторно да потпише со Манчестер Сити
-
За заштита на животната средина лани биле потрошени 8.875.771 илјада денари
-
Џон Бон Џови спасил жена која стоела на раб од мост | ВИДЕО
-
Антонов: САД го трасираат патот кон третата светска војна
-
Украинските сили соборија руски борбен авион вреден 50 милиони долари
-
Реакција на поранешните членови на македонската историска комисија