Митрески: Задоволен сум што првиот Указ што го потпишав е за Законот за употреба на македонскиот јазик
Новиот претседател на Собранието Јован Митрески го потпиша Указот за прогласување на Законот за употреба на македонскиот јазик, кој вчера беше донесен од страна на Собранието.
- Посебно сум задоволен што првиот Указ што го потпишав, како претседател на Собранието, е Указот за прогласување на Законот за употреба на македонскиот јазик. Македонскиот јазик е заштитен како симбол на нашиот идентитет и посебност. Наша обврска е да го негуваме и унапредуваме, но и да го промовираме на домашен и меѓународен план, каде со мудрите политики и одлуки му обезбедивме рамноправно место со јазиците на сите земји членки на Европската Унија, напиша Митрески вчера вечер на Фејсбук.
Новото законско решение, како што наведува, предвидува задолжително лекторирање на сите материјали, но и предвидува обврска за задолжително вработување на лектори по македонски јазик во сите јавни институции и органи на Владата.
- Го зајакнуваме инспекцискиот надзор, се основа Инспекторат за примена на македонскиот стандарден јазик, но исто така се создава и правна основа за донесување на национална стратегија за македонскиот јазик за период од пет години. Преземаме и конкретни мерки за зголемување на интересот кај младите да го изучуваат македонскиот јазик. Создаваме можности за доделување стипендии за учениците од четврта година средно образование, додипломски студии, магистерски и докторски студии, се вели во објавата на Фејсбук.
Ново на Сител
-
Пожар под Калето во Скопје, интервенираат четири противпожарни возила
-
Истрага за убиството во Батинци
-
Претежно стабилно и топло време по продолжениот викенд
-
Запалена спортска обложувачница во Бутел - Пожарот го зафатил и соседниот објект
-
Пронајден 61-годишен маж во безсознание на клинички – По кратко време починал
-
Кампањата на Камала Харис во јули собра 310 милиони долари
-
ИЈЗ: По проверките, сите реагенси од исклучените фрижидери се функционални
-
Гаши: Заложбата на Илинденците трае и денес, треба да не обедини патриотизмот и заедничка цел за подобра држава