Мисијата на НАСА за контролирано слетување на Месечината се соочува со технички проблеми
Компанијата „Астроботик“ со седиште во Питсбург, Пенсилванија, САД, што стои зад новата американска мисија за меко слетување на Месечината, се бори да го спаси својот проект.
Имено, оттаму соопштија дека вселенското летало „Перегрин“ има проблем со погонскиот систем и губи големо количество енергија. Овој проблем веќе му попречува на леталото при насочувањето на сончевите панели кон Сонцето заради генерирање електрична енергија, а може да значи и спречување на планираното слетување на површината на Месечината наредниве неколку години. Првичната цел на компанијата беше успешно завршување на првата американска мисија по 50 години, што би вклучувало контролирано слетување на Месечината, но и да стане првата приватна компанија што ќе ја постигне таа цел.
„Тимот работи на стабилизирање на загубата (на енергијата, з.п.), но имајќи ја предвид состојбата, приоритетот сега ни е максималното собирање научни податоци. Во мигов ги проценуваме можностите на мисијата што се изводливи“, соопшти „Астроботик“.
Американската Национална воздушно-вселенска администрација - НАСА изнајми дел од капацитетот на приземјувачот на приватната компанија за своите инструменти наменети за проучување на површината на Месечината.
Проблемите со „Перегрин“ се појавија набргу по воспоставувањето комуникација со контролорите на Земјата, односно по одвојувањето од ракетата „Вулкан“. Инженерите забележале дека вселенското летало се бори да ја одржи стабилноста и оти неговите сончеви ќелии не добиваат константна количина светлина за полнење на батериите. Затоа, нивото на енергија е веќе многу ниско.
Инженерите ја открија причината за проблемот со погонскиот систем, а тоа го потврдија и снимките каде што се гледаат оштетените слоеви изолација. Иако успеваат да го пренасочат леталото кон Сонцето, и батериите се полнат, за „Перегрин“ засега тоа не е доволно.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија