Мисијата КФОР е проширена со војници од Белгија, Луксембург и Холандија
Мисијата КФОР во Косово, предводена од НАТО, денес објави дека и се придружиле и војници од Белгија, Луксембург и Холандија.
Церемонијата на кревање на знамињата на овие три земји се одржа вчера во седиштето на мисијата КФОР, во кампот Филм Сити во Приштина, соопштени мисијата на Фејсбук.
Командантот на КФОР, Енрико Бардуани, кој ја водеше церемонијата, рече дека проширувањето на мисијата сведочи за нејзината непоколеблива посветеност на трајната безбедност низ цело Косово и за регионалната стабилност, како и преку поддршка на дијалогот за нормализација на односите меѓу Белград и Приштина под покровителство на ЕУ.
Од почетокот на 2024 година, војници од пет европски членки на НАТО се придружија на мисијата КФОР. Покрај Белгија, Луксембург и Холандија, тоа го сторија и Франција и Португалија во јануари и септември 2024 година.
КФОР во соопштението наведува дека продолжува да придонесува за безбедна средина за сите луѓе и заедници што живеат во Косово, во согласност со својот долгогодишен мандат добиен од ОН, врз основа на Резолуцијата 1244 на Советот за безбедност на ОН од 1999 година, во секое време и непристрасно, и во тесна соработка со косовската полиција и мисијата ЕУЛЕКС.
Ново на Сител
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка
-
Архиепископот Охридски и Македонски г.г. Стефан чиноначалствуваше со литургијата во Стоби по повод 1700 од Првиот вселенски собор
-
Падна кран во Битола