Мисајловски во официјална посета на Словенија

Министерот за одбрана Владо Мисајловски на покана на неговиот словенечки колега Борут Сајовиц денеска престојува во официјална посета на Словенија. Во Љубљана, Мисајловски ќе се сретне и со претседателката на Словенија, Наташа Пирц Мусар, соопшти Министерството за одбрана.

По свечената церемонија во Министерството за одбрана, министрите Мисајловски и Сајовиц ќе имаат тет-а-тет средба, по што е предвиден состанок на двете делегации. Во Љубљана ќе биде потпишан и Планот за билатерална соработка помеѓу двете земји за 2025 година.

Предвидено е министерот Мисајловски на гробиштата Жале во Љубљана, да положи венец како почит кон паднатите словенечки борци во Десетдневната војна во 1991 година.

Во вилата Подрожник, Мисајловски ќе им додели признанија на припадниците на словенечката полиција кои беа активно вклучени во борбата со пожарите на македонска територија минатото лето