Мирна новогодишна ноќ во Ресен
Со музика од локалниот бенд „Андромеди“ и голем огномет на градскиот плоштад во Ресен на минус 10 степени синоќа беше испратена старата и пречекана Новата 2016 година.
Граѓаните си посакаа здравје, успех, љубов и среќа, а градоначалникот на општина Ресен, Ѓоко Стрезовски на сите преспанчани им посака успешна и бериќетна година.
Весело и празнично беше и низ угостителските објекти, каде посебно помладите преспанчани со игра и песна ја пречекаа Новата 2016 година.
Претходно, пак, во текот на денот на градскиот плоштад во организација на Домот на култура, за најмладите се одржа предновогодишен хепенинг со настап на хорот „Преспански ѕвончиња“ и изведба на куклен театар. Во текот на хепенингот Дедо Мраз на дечињата им подели кондиторски производи.
За време на новогодишната прослава не беа забележани нарушувања на јавниот ред и мир, а немаше ни зголемен број интервенции од Итната медицинска помош или противпожарната единица во Ресен.
Ново на Сител
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила