Миркуловски: Важно е да се продолжи континуитетот

Машката ракометна репрезентација од денеска повторно е во „погон“, а избраниците на селекторот Лино Червар од Маврово се преселија во салата во Автокоманда каде ќе подолжат со подготовките. Со репрезентацијата тренира и Филип Миркуловски, кој поради обрските кон својот клуб во Бундес лигата го пропушти првиот дел од подготовките за СП во Франција.

- По повредата на Кузмановски, добив повик да се вратам во репрезентацијата и се ставив на располагање. Иако репрезентацијата е подмладена очекувам добар настап. За нас поискусните ова не претставува товар, но важно е да се продолжи континуитетот и репрезентацијата да игра на големите натпреварувања, изјави Миркуловски.

Македонија утре во СРЦ Кале од 17:45 часот ќе одигра контролен дуел со Босна и Херцеговина.