Министерот Фазлиу на 5. Регионален форум во Струга посветен на ИПА програмата за прекугранична соработка
Претставници на Европската комисија и на државите од регионот, што се опфатени со втората компонента на ИПА Програмата за прекугранична соработка учествуваат во работата на дводневниот Регионален форум, што со поддршка на ЕУ од денеска се одржува во Струга.
Министерот за локална самоуправа Сухејл Фазлиу на отворањето на Форумот појасни дека средбата е можност за размена на искуствата и позитивните примери на останатите корисници на ИПА компоненетата за прекуграничмна соработка.
- Верувам дека на тој начин ќе успееме да ги подобриме капацитетите и во Министерството и на државата за да можеме што повеќе да искористиме од тие фондови. Соработката е одлична, очекуваме дека ќе следуваат добри проекти, секако проектите ќе придонесат за развој на прекуграничните места, а и севкупните односи меѓу Република Македонија и Република Албанија, рече тој.
Ресорното Министерство веќе работи на изготвувањето на ИПА Програмата за прекугранична соработка со Република Албанија за периодот од 2014 до 2020 година. Програмата покрива седумгодишен период, за кој од страна на ЕУ се предвидени средства во износ од 11,9 милиони евра.
Цел на Програмата е обезбедување избалансиран, инклузивен и одржлив социо-економски развој во прекуграничниот регион со поддршка на туризмот, заштита на културно-историското и природното богатство, подобрување на конкурентноста, економијата, трговијата и инвестициите, потоа активности за унапредување на прилагодувањето кон климатските промени и имиграцијата, како и заштита и управување со ризик.
Што се однесува на локалните избори министерот Фазлиу најави интензивна соработка со новите локални власти, притоа нагласувајќи ја потребата од нејзино унпаредување во сите сегменти.
- Како држава сме во тешка ситуација и мораме сите заедно да соработуваме независно дали е позиција или опозиција за да ги подобриме состојбите и квалитетот на животот во земјата, да не дозволиме младите да ни бегаат. Еднаш засекогаш да ја извадиме политиката од институциите за истите попрофесионално да функционираат. Очекувам од новите градоначалници повеќе да се посветат на работата отколку во политичкиот ангажман. Граѓаните чекаат работа и очекуваат резултати, рече Фазлиу.
Ново на Сител
-
Гостиварец собрал 760 евра за лекување, со измама му ги земале парите
-
Крвава драма во Тетово: Еден прободен
-
Убиена дива свиња пронајдена во багажник, кривична за две лица
-
Мицкоски: Не можеме повеќе да прифаќаме ултиматуми
-
АХВ: „Атлантик Штарк“ повлекува бисквити поради можност за присуство на надворешно тело
-
Тешко повреден мотоциклист во сообраќајна несреќа
-
Таравари: За приватните специјализанти ќе постапиме според интересот на болниците, над 10 доктори во Штип
-
Повеќе од 130 светски лидери следната недела на Генералното собрание на ОН