Милошоски: Владејачкото мнозинство денеска ќе бара изговор за пратениците да не го добијат Договорот со „Бехтел и Енка“
Пратеникот од ВМРО-ДПМНЕ, Антонио Милошоски обвинува дека владејачкото мнозинство се обидува да најде изговори за пратениците да не го добијат договорот за изградбата на Коридорите 8 и 10д кои Владата ги потпиша со американско-турскиот конзорциум „Бехтел и Енка“.
Пратениците од опозицијата бараат да го добијат Договорот со „Бехтел и Енка“, но владејачкото мнозинство е на ставот дека треба да се направи презентација на овој договор.
-Во Собранието денеска владеачкото мнозинство ќе се обиде на координација да наоѓа изговори како пратениците да не го добијат коруптивниот Договор за прескапите автопати и на која Комисија би требало да се разгледува, вели Милошоски.
Пратеникот потсетува дека матична Комисија во Собранието каде треба да се разгледува Договорот е само Комисијата за транпорт, врски и екологија.
-Иако за втората тема нема дилеми, Комисијата за транспорт е надлежното работно тело кое разгледува материјали за изградба на инвестициони објекти во транспортот и патниот сообраќај. Секоја друга импровизација ќе биде само уште еден обид овој Договор да се држи во тајност.
Ново на Сител
-
Четврто собрание на Алијансата на Албанците
-
Хамас го прифати предлогот за преговори за ослободување на израелските заложници
-
Евакуирани речиси 5800 луѓе поради пукање на брана во Кина
-
Бајден: Само Господ може да ме отстрани од претседателската трка
-
НАТО и името на „координацијата за меѓународната безбедносна помош“ за Украина
-
Сончево и топло, температура до 36 степени
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050