Милан со убедлива победа против Селтик на стартот во Лигата на Европа
Милан го започна своето учество во Лигата на Европа со престижна победа, откако како гостин го совлада шкотскиот гигант Селтик со 3:1. „Росонерите“ го постигнаа својот прв успех во групата „Х“ на турнирот по головите на Раде Круниќ (14) и Браим Дијаз (42) пред паузата. За домаќините Мохамед Елиунуси беше прецизен во 77-та минута, а на крајот од мечот Хауге го постигна својот прв гол за Италијанците.
Лидер во групата по првите натпревари е француски Лил, кој како гостин ја победи Спарта Прага со 4:1. Лил и Милан имаат по три бода. Селтик разочара во вториот последователен натпревар, откако пред неколку дена загуби со 0:2 големото дерби на Шкотска со Глазгов Ренџерс.
„Росонерите“, кои се лидери во Серија „А“ по нивниот совршен старт од почетокот на сезоната, во понеделник ќе се сретнат со Рома, а следниот четврток ќе играат на „Сан Сиро“ против Спарта Прага.
Селтик ќе ги посети Лил за една недела.
Ново на Сител
-
Првични резултати од прегласувањето на парламентарните избори
-
Ковачевски поднесе оставка од функцијата претседател на СДСМ
-
ЦУК: Поплавени дворови и подрумски простории во Драчево
-
Авион принудно слета на аеродромот во Тирана, патник се обидел да се самоубие
-
ДСЗИ изврши надзор на Токсикологија, склучените договори за работа се со потпис на еден директор
-
ДИК: Излезноста до 13 часот е 25,48 проценти, поголема во однос на 8 мај
-
Умерен земјотрес во Романија
-
Говор на омрза врз срцето со македонско знаме и букви на натписот Гостивар